هاجمت الإعلامية المصرية لميس الحديدي محمد رمضان ، بعد ظهوره الأخير وهو بطائرته الخاصة وبجانبه رزم مالية من فئة الدولار.
وأضافت لميس الحديدي: “وقفت قدام الصورتين الأولى كانت في الولايات المتحدة كان في أمريكا اتصورها هناك في إحدى الولايات كان لابس عقال ويركب جمل وكأن رمضان يحاول يؤكد الصورة الي إحنا بقالنا سنين بنحاول نمسحها من هوليود وكنا بنلومهم أنهم بيتكلموا عن العرب والمسلمين أنهم الشكل ده حتى لو كان ضمن تصوير كليب.” وفق(القاهرة ٢٤).
وأوضحت لميس الحديدي: “المشهد ده بنحاول نمسحه من عقلية المنتج الأمريكي بنحاول نقلهم أننا دول كثير منها باتت متقدمة ومش بنركب جمال في الشوارع سواء الرياض أو دبي وعمان وعندنا تاريخ وحضارة ونحن متطورون، وبنحاول نشيل الصورة من هوليود وهو بيأكده وهو أول خطأ وخطيئة”.
وأردفت لميس الحديدي: “اعتقد أنه مش بيكلم الناس لأنه شايف نفسه أعلى بكتير منهم ولو كان فعلاً بيكلم الناس كان حتى شعر بالذنب والتانيب من الطيار الراحل الذي تسبب بشكل مباشر في فصله من عمله وبشكل مباشر في قهره ووفاته مش عارفة عايش ضميره مستريح، والآن بهذه القصة حتى لو كان تسبب في قهره ورفده من عمله هل بتاخد دواء بليل ؟.
وأوضحت لميس الحديدي: “بتتباهي بالدولارات اللي إداك يدينا ياسيدي؟ ربنا هيفتح على البلد ومش هيبقى فيها أزمة ؟ السؤال هتدخل بيهم المطار إزاي من صالة 4 الخاصة بالطيران الخاص “، موجهة رسالة لمطار القاهرة والجمارك، متسائلة: “هل أفصح رمضان لدى دخوله من صالة 4 عبر الطيران الخاص عن ماأدخله من دولارات؟، أوجه هذا السؤال لإدارة مطار القاهرة”.
