حسن شاكوش يخرج عن صمته ويكشف أمراً جديداً حول خلافه مع طليقته

وأضاف: “هي وافقت على الاعتذار وأنا لم أجبر أحداً على فعل شيء… ملحوظة بدليل آخر على إن الخاتمين اللي في إيديها كانوا في الشبكة والموضوع خلص، والقصة دلوقتي بقت قصة واحدة عندها هوس الشهرة واستغلال وسائل الصحافة والإعلام والترند باسمي… يمكرون ويمكر الله والله خير الماكرين”.

وقبل أيام كشفت ريم طارق حقيقة مقطع الفيديو الذي خرجت فيه منذ أيام وأعلنت من خلاله انتهاء الخلاف مع شاكوش بعد حصولها على مستحقاتها المالية كاملة.

وقالت ريم طارق خلال مقطع فيديو نشرته عبر حسابها على (إنستغرام): “مفيش حاجة اتحلت والقضايا زي ما هي، إحنا كنا بنبين للناس إن الموضوع خلص ولا أكتر ولا أقل”.

وتابعت القول “الاتفاق كله تم في التليفون مع الناس المحترمة اللي كانت هتحللنا الموضوع، هو ده استدرجني إني أعمل الفيديو مقابل يديني حاجتي، من الواضح إن مفيش حاجة هتخلص، أنا مقولتش أنا آسفة لحد، أنا قولت أنت إنسان كويس ومحترم إنك وافقت تديني حاجتي”.

وأضافت طليقة حسن شاكوش :”اعتبر الاتفاق اللي ما بينا متمش، واحنا كده كده متنازلناش عن القضايا، وبما إنك رجعت في اتفاقك فأنا رجعت في اتفاقي واعتبر إن مفيش صلح حصل، طالما عاجبك اللي حصل في الإعلام”.

وأكملت “أنا قولت في الفيديو محترم إنه أدالي حاجتي مش محترم إنه كان متجوزني، مفيش حاجة اتحلت واعتبروا إن مفيش حاجة اتحلت ولا هتتحل القضايا لسه شغاله مخلصتش، أي حاجة قولتها في برنامج أو أي مكان عندي دليل بيها أنا مكذبتش”.

وواصلت ريم طارق طليقة حسن شاكوش: “بس أنا اتفقت مع ناس ومع رجالة وطلعت قد كلمتي وهو طلع مش قد كلمته دي بتاعته، للأسف وثقت فيه تاني، كنا المفروض نعمل الفيديو بعد ما كل حاجة تخلص بس هو نزل الفيديو عشان السوشيال ميديا تهدى بس ده مش هيكون على حسابي”