أعرب الفنان المصري فادي خفاجة عن ندمه عقب انهياره وظهوره في حالة انهيار خلال بث مباشر أوضح من خلاله سبب لجوئئه إلى منصة (تيك توك) للعيش من خلالها بعد استبعاده عن الساحة الفنية خلال الفترة الأخيرة.
وقال فادي خفاجة خلال تصريح صحفي مع الإعلامي تامر أمين عبر (قناة النهار): “أنا مش قادر اقول حاجة غير اني كنت في لحظة ضعف وبرجوا الناس زي ما شايفين اني فنان أنا انسان ولو رجع بيا الوقت مش هعمل الفيديو ومش عارف أنا عملته ازاي وانا بسعى بقالي كتير طول الوقت الناس بتقولي أنت فين احنا متربيين على ونيس”.
وتابع فادي خفاجة“أنا لا حصلت فنان ولا انسان طبيعي وانا لو سبت الناس في حالي وقعدت لوحدي أنا معنديش إجابات وانا بتسأل السؤال دة في اليوم مليون مرة”.
اقرأ أيضًا..فنان مصري شهير ينهار على الهواء: اضطريت أدخل تيك توك لـ قلة العمل
وواصل فادي خفاجة القول “وبعد كل دة مفيش وانا مش عارف أنا مبشتغلش ليه واتحدى أن مخرج يقول اني أنا مبجيش في معادي، أو منتج يقول اني ناقشته في الأجر محصلش”.
وعن مقابلة المخرجين من أجل البحث عن عمل قال “سعيت وروحت قابلت مخرجين بدون استدعاء وزمان كنا بنعرف نقابل المخرج دلوقتي لازم تبعت على الميل وتاخد معاد وحتى لو النظام دة كويس بس أنا مش عارف اتواصل معاه لأن وسط كل اللي بيتقدم أنا مش هظهر”.
وتابع “أعز الزملاء ومواهب أكبر مني كلنا بنكلم بعض وبنسال ليه مش بنشتغل لكن أنا بعتذر ومكنش ينفع اللي أنا عملته لكن أنا حصل معايا حاجتين أنا جاتلي رسايل من أمام الكعبة ناس معرفهاش بتدعيلي وناس اخدت الفيديوهات وقطعتها وانا مكنتش متخيل أن ناس تعمل كدة”.
واعتذر فادي خفاجة مجددًا وقال “أنا كنت فاتح لايف وبهزر مع الناس لكن كم التعليقات اللي كانت بتقولي أنت مكانك مش هنا فهما داسوا على الجرح”.
يشار إلى أن فادي خفاجة ظهر في حالة انهيار وهو يتحدث عن لجوئه إلى جولات تيك توك بسبب عدم عرض أعمال فنية عليه وقال “اضطريت أدخل في جولات تيك توك لإني مش لاقي شغل والفنانة وفاء عامر حاولت كتير تجبني معاها في أعمال فنية لكن مفيش فايدة”.
