انهارت الفنانة المصرية مروة عبدالمنعم من البكاء بعد حديثها عن ابتعادها عن الفن خلال لقائها في برنامج ” قعدة ستات” الذي تقدمه الإعلامية مروة صبري.
وقالت مروة عبدالمنعم: “كنت لسه بقول لبنتي مش عارفه أنا صرفت عليكم طول السنين اللي فاتت دي ازاي؟ بس بتمشي، أنا وقفت جنب نفسي محدش وقف جنبي، طبعا بعد ربنا، ربنا ده عظيم وكريم، بقعد ساعات أقول أنا بصرف السنة دي ازاي.”
وتابعت مروة عبدالمنعم: “أشرف زكي وقف معايا، إدوارد كان وقتها معايا، ومكنش كتير، ودول اللي كانوا واقفين معايا، ومش هقول مين اتخلى عني، وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة.”
وأضافت مروة عبد المنعم: “أشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا.”
اقرأ أيضاً.. مروة عبدالمنعم : “اللي اختشوا ماتوا” أعادني للسينما بعد غياب 3 سنوات
