تحدث الفنان فتوح أحمد عن دوره فى مسلسل جعفر العمدة، قائلا أن الدور بدأ معه منذ السنة الماضية، متابعا : كنت بعمل مسلسل مع مى عمر وأقول لها زوجك المخرج محمد سامى موهوب جدا وبشوف الممثلين منورين معاه، بس أسمع إنه عصبى أوى، فوجته يتصل بيا وبعتلى دور تانى غير فتوح، وروحت وكان محمد رمضان هناك واتكلموا مع بعض ومحمد سامى غير الدور وعملت شخصية فتوح.
وأضاف فتوح خلال لقائه مع الاعلامى دكتور عمرو الليثى ببرنامجه واحد من الناس على شاشة الحياة : روحت أول يوم تصوير ووجدت محمد سامى حد محترم جداً وبتعامل مع الناس كويس وبيراجع معانا كل مشهد، وفى يوم واحنا بنصور ذهبت ووجدته مركب محاليل وشغال بيعيد كتابة مشهد، وهو الشغل معاه ممتع جداً، ومحمد رمضان نجم كبير، ومحمد سامى عامل ورق محترم، دارس سيكولوجية المشاهد المصرى، والدليل أن المسلسل عجب كل طبقات المجتمع، وأنا بستمتع بالشغل مع محمد سامى.
وعلى جانب آخر كشف الفنان فتوح أحمد أنه فى إحدى المرات فى عيد الأم كان محوش ١٠ صاغ والمدرس قال كل واحد يجيب هدية لأمه، فلاقيت بره المدرسة واحد بيبع بلاليص عسل اسود اشتريت واحد لأمى هدية عيد الأم.
