خرجت الفنانة المصرية غادة عبد الرازق، عن صمتها لترد على التصريحات التي أدلى بها الفنان أحمد زاهر في لقاء تلفزيوني حول وجود خلافات معها، مؤكدًا وجود عداوة بينه وبينها من بعد آخر عمل جمعهما وهو مسلسل “حكاية حياة”.
وقالت غادة عبد الرازق في تصريحات إعلامية: “هو بيقول حاجة وهو مش متأكد منها عمري ما كان عندي مشكلة مع أحمد، عمري ما اتخانقت معاه أو شدينا في الكلام، أنا مش مسؤولة عن كلامه، ليلى أحمد زاهر مرشحة معايا لمسلسل “تلت التلاتة” من البداية لحد دلوقت، حتى لو كان عندي مشكلة مع أحمد عمري ما أدخلها في الشغل”.
واستكملت غادة عبد الرازق: “أنا عندي نظرة في الممثل اللي مش لازم يبقى دايمًا بيعمل الدور ده، راهنت على محمد القس وراهنت عليه أكتر لما عمل كوميدي، هو ممثل شاطر جدًا وعشان كدا هيقدم دور مختلف في مسلسل تلت التلاتة”.
اقرأ أيضًا..لماذا خرجت غادة عبد الرازق من السباق الرمضاني 2023؟
وتابعت غادة عبد الرازق: “علشان أكون صريحة، لما بيكون عندي تصوير مش بصوم لأني مش بقدر، خاصة أني باخد أدوية ومناعتي ضعيفة وممكن أشتغل من سبعة الصبح لحد 1 أو 2 الصبح، ولو مش عندي تصوير بعمل زي كل الناس وبصوم الحمد لله، وإحنا مش جايين من كوكب تاني بعمل زي الناس في كل بيت مصري”.
وأكدت أنها لا تستطيع مشاهدة أي أعمال في رمضان لانشغالها بتصوير أعمالها. وفق (لها)
وكانت آخر أعمال الفنانة غادة عبد الرازق، مسلسل “لحم غزال”، والذي كان من بطولة : مي سليم، شريف سلامة، عمرو عبد الجليل، شريف الدسوقي، يوسف وائل نور، عارفة عبد الرسول، ورحاب الجمل.
