نعت الفنانة ريهام حجاج، الفنان الراحل مصطفى درويش بمنشور عبر حسابها الرسمي على موقع (فيسبوك) روت م خلاله تفاصيل مؤلمة عن حياة الراحل قبل وفاته.
وكتبت ريهام حجاج: “مصطفى درويش من أكتر الناس اللي اتحاربت، وياما اتكتب عليه واتقال كلام كتير يهدم أي حد”
وتابعت: “مصطفى درويش كتير استكتروا عليه رزقه اللي ربنا كان باعتهوله، وكعادة بعض الناس اللي شايفين إنهم لازم يقرروا مين يستحق الرزق ومين لأ؛ شايلين من دماغهم إن ربنا بس اللي بيرزق.. مصطفى اتكلم معايا في الموضوع ده لما قابلته مرة، بعد دوره في بميت وش، وكان حقيقي متأثر، يا ريت تفهموا إن ربنا دايما ليه حكمة في كل حاجة، وأهو مصطفى ربنا افتكره وهو لسه صغير، يا ريت تبطلوا تجرحوا في الناس وهما وأنتم لسه عايشين؛ عشان مش حاتقدر تتحمل وقفتك أدام اللي جرحته وهو مختصمك أدام ربنا… ما فيش حاجة في الدنيا مستاهلة”. وفق (صدى البلد)
أعلن شقيق الفنان مصطفى درويش، هاني درويش عن وفاة شقيقه اليوم الاثنين، عبر حسابه بموقع التواصل الاجتماعي (فيسبوك).
اقرأ أيضًا..الكلمات الاخيرة للراحل مصطفى درويش قبل ساعات من وفاته
ونشر هاني درويش عبر حسابه على (فيسبوك) منشور كتب فيه “البقاء لله، توفي إلى رحمة الله تعالى شقيقي/ مصطفي درويش وتشييع الجنازة عقب صلاة العصر من مسجد الحصري باكتوبر العزاء بأذن الله تعالى باكر عقب صلاة المغرب بمسجد الشرطة بالخمائل بالشيخ زايد”